Gaur esnatu naiz
dantzatzeko gogoz,
lotsak behingoz
uxatzeko asmoz.
Gaur esnatu naiz
kantatzeko gogoz,
festa bat hasi dut
zu ere ba al zatoz?

Gure herriko astegunak
egun motelak, egun astunak,
bakoitza beti berera
ahaztuta laguntasuna.

Baina ei, emadazu eskua
elkarrekin irauliko dugu eguna.
Euskara dugu eskura
ta euskararen eskutik gara lagunak.

Festa!
Elkartasunean
festa!
Aniztasunean
festa!